हेटौंडामा माघ ११ गतदेखि राष्ट्रिय औद्योगिक व्यापार महोत्सव हुने

६ पुस, हेटौँडा । मकवानपुर उद्योग बाणिज्य संघको आयोजनामा हेटौंडामा १० औं राष्ट्रिय औद्योगिक व्यापार महोत्सव गरिने भएको छ ।
आउँदो माघ ११ गते देखि २३ गते सम्म महोत्सव गर्न लागिएको हो । उद्योग वाणिज्य संघले बुधबार पत्रकार सम्मेलन गर्दै महोत्सव गर्न लागिएको जानकारी गराएको छ । पत्रकार सम्मेलनमा बोल्दै संघका अध्यक्ष कृष्ण गुप्ता अग्रवालले हेटौंडा–१० टिसिएन चौरमा औद्योगिक व्यापार महोत्सव गर्न लागिएको बताउनुभयो । उहाँले जिल्लाको उद्योग व्यापार क्षेत्रको विकास गरी समग्र देशकै आर्थिक टेवा पु¥याउने उद्देश्यले महोत्सव कार्यक्रमलाई निरन्तरता दिइएको बताउनुभयो ।अध्यक्ष अग्रवालले महोत्सवमा स्थानीय उत्पादन र व्यवसायीलाई प्राथमिकता दिइने तयारी रहेको समेत उल्लेख गर्नुभयो । मेला अवधि भरमा दुइ लाख भन्दा धेरैले अवलोकलन गर्ने आयोजकले जनाएको छ । महोत्सवमा विभीन्न क्षेत्रहरु कृषि, व्यापार, उद्योग, सूचना प्रविधिी पर्यटन, अटो, होटल शैक्षिक संस्था सरकारी, गैरसरकारी संघसंस्था, महिला उद्यमीका उत्पादनहरु र सेवाका स्टलहरु राखिने अध्यक्ष अग्रवालले जानकारी दिनुभयो ।