७४ किलो गाँजासहित २ जना पक्राउ

१८ भाद्र, काठमाडौँ । मकवानपुर प्रहरीले हेटौंडा १० राप्तीपुल नजिकबाट ७४ किलो गाँजा सहित २ जनालाई पक्राउ गरेको छ ।

शनिबार विहान विशेष सुचनाको आधारमा प्रहरीले हेटौंडा बजार आउदैं गरेको बा.प्र.०१ ०२५ च १९४२ नम्बरको पिकअप गाडीबाट उक्त गाँजा बरामद गरेको हो । पक्राउ पर्नेमा गाडी चालक विदुर नगरपालिका १३ बर्मानगर बस्ने प्रकाश तामाङ र पर्साको ठोरी गाउँपालिका ३ बस्ने चन्द्रकुमारी श्रेष्ठ रहेको प्रहरी नायब उपरिक्षक एंव प्रवक्ता टेक बहादुर कार्कीले जानकारी दिनुभयो ।
पिकअप गाडीमा तरकारी राख्ने क्रेटमा लुकाई ल्याएको अवस्थामा बरामद गरिएको प्रवक्ता कार्कीले बताउनुभयो । गाडीलाई नियन्त्रणमा लिई उनीहरु माथि आवश्यक अनुसन्धान कार्य भइरहेको प्रहरीले जनाएको छ ।