हेटौंडामा बन्धक बनाएर फिरौती रकम माग्ने तीन जना पक्राउ

८ असार, हेटौँडा । हेटौंडामा बन्धक बनाएर फिरौती रकम माग गर्ने तीन जनालाई मकवानपुर प्रहरीले पक्राउ गरेको छ ।
पक्राउ पर्नेमा हेटौडा उपमहानगरपालिका–१५ बस्ने २९ वर्षीय सुरेश लामा, हेटौंडा–१२ बस्ने २१ वर्षीय समिर बल र सोही वडा बस्ने २८ वर्षीय अशोक लामा रहेका छन् । उनीहरुले हेटौडा उपमहानगरपालिका–१० बसपार्क स्थित ट्राभल होटल एण्ड लजको रुम नं. १०७ मा पर्सा बिरंगज महानगरपालिका १९ बस्ने २७ वर्षीय अमन कुमार श्रीवास्तवलाई बन्धक बनाएर राखेको जिल्ला प्रहरी कार्यालय मकवानपुरले जनाएको छ । श्रीवास्तवलाई बन्धक बनाएर उनको घरमा फोन सम्पर्क गर्न लगाएर फिरौति रकम (पैसा) समेत माग गरेको मकवानपुरका प्रवक्ता रामचन्द्र घिमिरेले जानकारी दिनुभयो । उनीहरुलाई नियन्त्रणमा लिएर सम्मानित मकवानपुर जिल्ला अदालतबाट दिन ५ (पाँच) को म्याद लिएर अनुसन्धान कार्य भईरहेको प्रवक्ता घिमिरेले बताउनुभयो ।