हेटौंडामा गठबन्धनको बिजयी जुलुस

७ जेठ, हेटौँडा । हेटौंडा उपमहानगरपालिकामा गठबन्धनले बिजयी जुलुस सहित ¥याली निकालेको छ ।

स्थानीय तहको निर्वाचनमा मेयर र उपमेयर दुबै पदमा गठबन्धनका उम्मेदवार भएसंगै ¥याली निकालेका हो । शुक्रबार राती सार्वजनिक मतपरिणाम अनुसार उपमहानगरको मेयरमा एकीकृत समाजवादीकी मिना कुमारी लामा र उपमेयरमा कांग्रेसका राजेश बानिंया निर्वाचित हुनुभएको थियो ।

हेटौंडा–४ को फरेष्टी चोकबाट निकालिएको बिजयी जुलुसले बुद्धचोक, संगमचोक, कांग्रेस चोक, मानस चोकलगायत उपमहानगरपालिकाको हेटौंडा बजारको परिक्रमा गरेको थियो ।

विजयी जुलुसमा निर्वाचित मेयर लामा र उपमेयर बानियाँ सहित कांग्रेस वागमती प्रदेश समितिका सभापति ईन्द्र बहादुर बानियाँ, प्रदेशकी सामाजिक विकास मन्त्री कुमारी मोक्तान, नेकपा एस केन्द्रीय उपाध्यक्ष मुकुन्द न्यौपाने, नेकपा एस नेतृ तथा वागमतमा प्रदेश सदस्य मुनु सिग्देल, माओवादी केन्द्रका वागमती प्रदेश उपाध्यक्ष प्रेम बहादुर पुलामी, नेकपा एस मकवानपुर इन्चार्ज ललित बस्नेत सहित गठबन्धन नेतृत्व राजनैतिक दलका नेता कार्यकर्ता, गठबन्धनका निर्वाचित वडाध्यक्ष तथा सदस्यहरुको सहभागिता रहेको थियो ।