नेवारपानीमा सवारी दुर्घटना हुँदा जेठादाईको मृत्यु

२३ माघ, हेटौँडा । हेटौंडा उपमहानगरपालिका १९ नेवारपानीमा भारतीय ग्यास बुलेटले स्कुटरलाई ठक्कर दिदाँ एकजनाको मृत्यु भएको छ ।
मृत्यु हुनेमा स्कुटरमा सवार हेटौंडा–१० टिसिएनरोड बस्ने बुद्धि बहादुर श्रेष्ठको रहेको मकवानपुर प्रहरीले जनाएको छ । श्रेष्ठ लामो समयदेखि हेटौंडाको सिमाचोकमा चिया बेच्दै आउनु हुन्थ्यो । उहाँले हेटौंडामा जेठादाईको नामले पनि चिनिन्थ्यो । उहाँको उपचारको क्रममा हेटौंडाको चुरेहिल अस्पतालमा मृत्यु भएको हो । पुर्व पश्चिम राजमार्ग अन्तर्गत नेवारपानीमा मनहरीबाट हेटौंडा तर्फ आउदै गरेको बागमती प्रदेश ०३–००२ प ६८८० नम्बरको स्कुटरलाई सोही दिशाबाट आउदै गरेको एनएल –०१ एन २९९९ नम्बरको भरतीय नम्बर प्लेटको ग्यास बुलेटले ठक्कर दिएको प्रहरीले जानकारी दिएको छ ।