मकवानपुरमा पछिल्लो २४ घण्टामा ७५ जना कोरोना संक्रमित थपिए

८ माघ , हेटौँडा । मकवानपुर जिल्लामा पछिल्लो २४ घण्टामा ७५ जना कोरोना संक्रमित थपिएका छन् ।
स्वास्थ्य कार्यालय मकवानपुरको तथ्याङ्क अनुसार ८५ जनाको पिसिआर परीक्षण गर्दा ५९ जनामा र २५ जनाको एन्टिजेन परीक्षण गर्दा १६ जनामा कोरोना पुष्टि भएको हो । यो संगै मकवानपुरमा कोरोना संक्रमित हुनेहरुको संख्या १६ हजार ९ सय ७२ पुगेको छ । त्यसैगरी पछिल्लो २४ घण्टामा २१ जना कोरोना संक्रमण मुक्त भएका छन् । यो संगै मकवानपुरका कोरोना संक्रमण मुक्त हुनेहरुको संख्या १५ हजार ३ सय ९५ पुगेको छ । हालसम्म जिल्लामा १ सय ७० जना कोरोना संक्रमितको ज्यान गएको छ ।