मकवानपुरमा शुक्रबार १ सय ९६ जनामा कोरोना पुष्टि

७ माघ, हेटौँडा । मकवानपुर जिल्लामा पछिल्लो २४ घण्टामा १ सय ९६ जना कोरोना संक्रमित थपिएका छन् ।

स्वास्थ्य कार्यालय मकवानपुरको तथ्याङ्क अनुसार १ सय ७९ जनाको पिसिआर परीक्षण गर्दा १ सय २३ जनामा र १ सय १६ जनाको एन्टिजेन परीक्षण गर्दा ७३ जनामा कोरोना पुष्टि भएको हो । यो संगै मकवानपुरमा कोरोना संक्रमित हुनेहरुको संख्या १६ हजार ८ सय ९७ पुगेको छ । त्यसैगरी पछिल्लो २४ घण्टामा १५ जना कोरोना संक्रमण मुक्त भएका छन् । यो संगै मकवानपुरका कोरोना संक्रमण मुक्त हुनेहरुको संख्या १५ हजार ३ सय ७४ पुगेको छ । हालसम्म जिल्लामा १ सय ७० जना कोरोना संक्रमितको ज्यान गएको छ ।