मकवानपुरमा बुधबार २ सय ४६ जनामा कोरोना पुष्टि

५ माघ, हेटौँडा । मकवानपुर जिल्लामा पछिल्लो २४ घण्टामा २ सय ४६ जना कोरोना संक्रमित थपिएका छन् ।
स्वास्थ्य कार्यालय मकवानपुरको तथ्याङ्क अनुसार १ सय ९२ जनाको पिसिआर परीक्षण गर्दा १ सय ५५ जनामा र १ सय ४५ जनाको एन्टिजेन परीक्षण गर्दा ९१ जनामा कोरोना पुष्टि भएको हो । यो संगै मकवानपुरमा कोरोना संक्रमित हुनेहरुको संख्या १६ हजार ५ सय ५३ पुगेको छ । त्यसैगरी पछिल्लो २४ घण्टामा ६ जना कोरोना संक्रमण मुक्त भएका छन् । यो संगै मकवानपुरका कोरोना संक्रमण मुक्त हुनेहरुको संख्या १५ हजार ३ सय ५६ पुगेको छ । हालसम्म जिल्लामा १ सय ७० जना कोरोना संक्रमितको ज्यान गएको छ ।