मकवानपुरमा सोमबार १७६ जनामा कोरोना पुष्टि

३ माघ, हेटौँडा । मकवानपुर जिल्लामा पछिल्लो २४ घण्टामा १ सय ७६ जना कोरोना संक्रमित थपिएका छन् ।
पछिल्ला केही दिन यता थपिएका संक्रमितमध्ये आजको संख्या उच्च हो । स्वास्थ्य कार्यालय मकवानपुरको तथ्याङ्क अनुसार ९४ जनाको पिसिआर परीक्षण गर्दा ६८ जनामा र ४ सय ५२ जनाको एन्टिजेन परीक्षण गर्दा १ सय ८ जनामा कोरोना पुष्टि भएको हो । यो संगै मकवानपुरमा कोरोना संक्रमित हुनेहरुको संख्या १६ हजार ९५ पुगेको छ । मकवानपुरमा हाल संक्रिय सक्रमितको संख्या ५ सय ६९ जना रहेका छन् । यस्तै पछिल्लो २४ घण्टाको अवधिमा मकवानपुरमा कोभिड–१९ संक्रमित दुईजनाको ज्यान गएको स्वास्थ्य कार्यालयले जनाएको छ । त्यसैगरी पछिल्लो २४ घण्टामा ४ जना कोरोना संक्रमण मुक्त भएका छन् ।