मकवानपुरको भैंसेबाट १ सय ८३ किलो गाँजा बोकेको गाडीसहित एकजना पक्राउ

२७ पुस, हेटौँडा । मकवानपुर प्रहरीले १ सय ८३ किलो लागुऔषध गाँजा बोकेको पिकअप गाडीसहित एकजनालाई पक्राउ गरेको छ ।
भीमफेदी गाउँपालिका वडा नम्बर–२ भैसेबाट प्रहरीले १ सय ८३ केजी गाँजा र गाँजा ओसार्न प्रयोग गरिएको पिकअप गाडीसहित चालकलाई पक्राउ गरिएको जिल्ला प्रहरी कार्यालय मकवानपुरका निमित्त प्रवक्ता राजकुमार सापकोटाले जानकारी दिनुभयो । पक्राउ पर्नेमा थाहा नगरपालिका–२ का ३० वर्षीय रामचन्द्र सिन्तान रहेको छ । भीमफेदी–२, भैंसेस्थित चेकपोष्टमा रोकी सुरक्षाजाँच गर्ने क्रममा पालुङतर्फबाट हेटौंडातर्फ आउँदै गरेको प्रदेश ३–०१–००२२ च ३५५६ नम्बरको पिकअप गाडीलाई रोकी चेकजाँच गर्ने क्रममा गाँजा बरामद प्रवक्ता सापकोटाले बताउनुभयो । बरामद गरेको गाँजा, ढुवानी गर्ने गाडीसहित पक्राउ परेका सिन्तानलाई हिरासतमा राखी थप अनुसन्धान गरिरहेको प्रहरीले जनाएको छ ।