नेकपा एमाले मकवानपुरको अध्यक्षमा एकलाल श्रेष्ठ चयन

२५ पुस, हेटौँडा । नेकपा एमाले मकवानपुरको ११ औ जिल्ला अधिवेशनबाट अध्यक्षमा एकलाल श्रेष्ठ चयन हुनुभएको छ ।
गत शुक्रबारबाट नयाँ नेतृत्व छनौटको लागी सुरु भएको जिल्ला अधिवेशन शनिबार सम्म पनि नयाँ नेतृत्व छनौटमा सकस भएपछि शनिबार दिउँसो ३ बजेबाट आइतबार बिहान ८ सम्मका लागि स्थगित भएको थियो । आईतबार विहान हेटौंडा ५ स्थित सानोपोखरामा रहेको एमाले पार्टी कार्यालयमा भएको अधिवेशनले श्रेष्ठको अध्यक्षतामा ५ जना पदाधिकारी सहित १ सय ५ सदस्यीय जिल्ला कमिटी चयन गरेको हो । नेतृत्व छनौटमा अध्यक्षको उम्मेदवारी दिएका बद्धी लम्साल र श्रेण्ठ विच २ दिन सम्म सहमती हुन सकेको थिएन भने पदाधिकारीहरु विच पनि सहमती हुन सकेको थिएन । यस्तै अधिवेशनबाट उपाध्यक्षमा लालबहादुर थापा, सचीवमा नवीन सिग्देल, उपसचिवमा हिदम लामा र सीता बिष्ट चयन हुनुभएको छ ।