एमाले मकवानपुरको जिल्ला अधिवेशन भोलि

२२ पुस, हेटौँडा । नेकपा एमालको पुस २३ र २४ गते हुने देशभर हुने जिल्ला अधिवेशन अन्तर्गत मकवानपुरमा पनि हुने भएको छ ।
आज हेटौंडा–५ स्थित जिल्ला पार्टी कार्यलय मकवानपुरमा पत्रकार सम्मेलन गर्दै एमाले मकवानपुरको प्रचार विभागका नविन सिग्देलले २३ र २४ गते हुने अधिवेशनको जानकारी दिनुभयो । उहाँले अधिवेशनको लागि जिल्लाभरबाट जिल्ला कार्यसमिति,प्रतिनिधि छनोट र मनोनित सहित गरेर ८ सय २ जना प्रतिनिधि रहेको बताउनुभयो । उहाँले अधिवेशनको लागि १० उपसमितिहरु निर्माण गरेर काम भईरहेको र भोलि बिहान सम्म सम्पूर्ण तयारी पुरा हुने बताउनुभयो । एमाले अध्यक्ष केपी ओलीबीट पार्टीको ७७ वटै जिल्ला अधिवेशनलाई भोलि मध्यान्न १२ बजे भर्चुअल माध्यमबाट सम्बोधन गर्ने कार्यक्रम रहेको पनि उहाँले जानकारी दिनुभयो । अधिवेशनले अध्यक्ष, उपाध्यक्ष, सचिव र दुई उपसचिव गरेर १ सय ५ सदस्सीय जिल्ला कमिटी निर्माण गर्ने छ । पत्रकार सम्मेलनमा एमाले केन्द्रीय सदस्यहरु, प्रदेश सदस्यहरु र जिल्ला पदाधिकारीहरुको उपस्थिति रहेको थियो ।