न्यौपानेको प्यानलमा ३ सञ्चार उद्यमी

५ कात्तिक, हेटौँडा । मकवानपुर उद्योग वाणिज्य संघको कार्तिक ९ गते हुन गईरहेको निर्वाचनमा अध्यक्षका उम्मेदवार राजकुमार न्यौपानेको समूहबाट तीन सञ्चार उद्यमी उभीएका छन् ।
नेशनल गोल्ड टेलिभिजन तथा हेटौँडा एफएमका सञ्चालक उज्वल चौलागाई एशोसियट उपाध्यक्षमा उठेका छन् । न्यौपानेकै समूहबाट टिम टेलिभिजनका अध्यक्ष तथा मकवानपुर सामुदायिक भिजन प्रालीका सञ्चालक नबराज खतिवडा र टिम टेलीभीजनका स्टेशन म्यानेजर तथा स्वर्णिम खबर डटकमका सञ्चालक रामशरण दुलाल सदस्य पदमा मैदानमा उत्रीएका छन् । एक उपाध्यक्ष र चार सदस्य पदका लागि हुने प्रतिस्पर्धामा महालक्ष्मी इन्जीनियरिङ वर्कशप प्रालीका तर्फबाट राजु थापा र सुपर वायर एण्ड स्टील ईण्डस्ट्रिजका प्रालीका तर्फबाट अशोक कुमार राउत मैदानमा उभिएका छन् ।