मालबहाक ट्रक राप्ती खोलामा खस्यो, एकजनाको घटनास्थलमै मृत्यु

११ भदौ, हेटौँडा । मकवानपुरको राप्ती खोलामा एउटा मालबाहक ट्रक खोलामा खस्दा एक जनाको घटनास्थलमै मृत्यु भएको छ ।
त्रिभुवन राजपथ अन्तर्गत मकवानपुरको भिमफेदी १ सानुटारमा फलाम बोकेर काठमाण्डौ जाँदै गरेको प्रदेश १–०२–००१ ख ८७५९ नम्बरको आईचर ट्रक आफै अनियन्त्रित भई राप्ती खोलामा खस्दा ट्रकमा सवार एक जनाको घटनास्थलमै मृत्यु भएको हो । मृत्यु हुनेमा सिन्धुली लंपटार– १ बस्ने २८ वर्षका भोजराज बस्नेत रहेको मकवानपुर प्रहरी प्रवक्ता प्रहरी नायब उपरीक्षक जयश्वर रिमालले जानकारी दिनुभयो । त्यसैगरी दुर्घटनामा अन्य २ जना घाइते भएका छन् । घाइते हुनेहरुको हेटौँडाको चुरेहिल अस्पतालमा उपचार भइरहेको प्रवक्ता रिमालले बताउनुभयो ।