कोपा अमेरिकाः अर्जेन्टिना फाइनलमा प्रवेश, उपाधि भिडन्त ब्राजिल विरुद्ध

२३ असार, हेटौँडा । अर्जेन्टिना ब्राजिलमा जारी कोपा अमेरिका फुटबल प्रतियोगिताको फाइनलमा प्रवेश गरेको छ ।
बुधबार बिहान भएको सेमिफाइनल खेलमा कोलम्बियालाई ट्राइब्रेकरमा ३–२ ले हराउँदै अर्जेन्टिना फाईनलको यात्रा पक्का गरेको हो । निर्धारित समयको खेल १–१ गोलको बराबरीमा टुङ्गिएपछि खेलको निर्णय ट्राइब्रेकरबाट लिइएको हो । ट्राइब्रेकरमा अर्जेन्टिनाका लागि लियोनल मेस्सी, लौटारो मार्टिनेज र लियोनार्दो डेनियल पेरेडेसले एक÷एक गोल गरेका थिए । अर्जेन्टिनाका रोड्रिगो डी पाउल भने गोल गर्न चुके । यता कोलम्बियाले पाँच पेनाल्टी प्रहार गर्दा दुई प्रहार मात्र गोल भयो । अर्जेन्टिनाका गोलकिपर मार्टिनेजले तीन पेनाल्टी बचाए । मार्टिनेजले डेभिडसन सान्चेज, येरी मिना र एडविन कार्डोनाको पेनाल्टी प्रहार बचाए । कोलम्बियाका जुवान कुड्राडो र मिगुएल बोर्जाले मात्र गोल गरे । यसअघि खेलको सातौं मिनेटमा लोउटारो मार्टिनेजले गोल गर्दै अर्जेन्टिनालाई १–० को अग्रता दिलाएका थिए । कोलम्बियाले भने खेलको ६१ औं मिनेटमा गोल गर्दै खेललाई बराबरीमा पु¥याएका थियो । अर्जेन्टिनाले अब उपाधिका लागि ब्राजिलसँग खेल्नेछ । फाइनल खेल आगामी आइतबार बिहान पौने ६ बजे ब्राजिलको रियो दि जेनेरियो शहरको प्रसिद्ध माराकाना रंगशालामा हुनेछ ।