हेटौँडाबाट १ सय ४३ किलो गाँजा बोकेको कन्टेनर सहित ३ जना पक्राउ

३ असार, हेटौँडा । मकवानपुर प्रहरीले १ सय ४३ किलो ३०० ग्राम लागुऔषध गाँजा सहित ३ जनालाई पक्राउ गरेको छ ।
बिशेष सूचनाको आधारमा जिल्ला प्रहरी कार्यालय मकवानपुरबाट खटिएको टोलीले बिहीबार बिहान हेटौंडा उपमहानगरपालिका वडा नं. ११ थानाभ¥याङबाट लागुऔषध गाँजा बोकेको कन्टेनरसहित तीन जनालाई पक्राउ गरिएको हो । मनहरीबाट हेटौंडातर्फ आउँदै गरेको ना १ ख ९९१० नम्बरको कन्टेनर गाडीलाई हेटौँडा ११ थनाप्रहरीले रोकेरबाट चेकजाँच गर्दा गाँजा बरामद गरेको हो ।

पक्राउ पर्नेहरुमा कन्टेनर चालक सिन्धुपाल्चोक बाह्रबिसे नगरपालिका वडा नम्बर ५ सिगार्सेका २८ वर्षीय सनकबहादुर तामाङ, सह–चालक २४ वर्षीय सोमे तामाङ र मकवानपुर राक्सिराङ गाउँपालिका वडा नम्बर १ गल्छराङका १८ वर्षीय सविन तामाङ रहेकोे प्रहरी नायब उपरिक्षक जयश्वर रिमालले बताउनुभयो । लागुऔषध गाँजा र कन्टेनर गाडी सहित नियन्त्रणमा लिई थप अनुसन्धान भईरहेको उनले बताए ।