मकवानपुमा बिहिबार १ सय ५१ जना कोरोना संक्रमित थपिए

१३ जेठ, हेटौँडा । मकवानपुरमा बिहिबार थप १ सय ५१ जनामा कोरोना संक्रमण पुष्टि भएको छ ।
३ सय १५ जनामा पिसिआर र एन्टीजेन परीक्षण गर्दा १ सय ५१ जनामा कोरोना पोजेटिभ देखिएको जिल्ला स्वास्थ्य कार्यालय मकवानपुरले जनाएको छ । यो संगै मकवानपुरमा हालसम्म कोरोना संक्रमित हुनेको संख्या ८ हजार २ सय १३ पुगेको छ । त्यस्तै बिहिबार जिल्लामा थप २ जना कोरोना संक्रमणमुक्त भएका छन् । होम आइसोलेसनबाट १ सय ८२ र आइसोलेसनबाट १८ गरी २ सय जनाले कोरोना जितेको स्वास्थ्य कार्यालय मकवानपुरले जनाएको छ । यो संगै मकवानपुरमा कोरोना संक्रमणमुक्त हुनेहरुको संख्या ५ हजार ६ सय ८१ जना पुगेको छ । यस्तै बिहिबार मकवानपुरमा कोरोना संक्रमणबाट एकजनाको मृत्यु भएको छ । मनहरी गाउँपालिका वडा नंबर ७ की ५० वर्षीया महिलाको कोरोना संक्रमणबाट मृत्यु भएको हो । योसंगै हालसम्म कोरोना संक्रमणबाट मृत्यु हुनेको संख्या ८४ पुगेको छ ।