शनिबार एकैदिन ८८४८ संक्रमणमुक्त, ८९८० संक्रमित थपिए

८ जेठ, काठमाडौं । नेपालमा शनिबार थप ८ हजार ९ सय ८० जनामा कोरोना संक्रमण देखिएको छ ।
१९ हजार ३ सय ५७ पीसीआर र ७ सय ४८ एन्टिजेन परीक्षण गर्दा ८ हजार ९ सय ८० जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा कोरोना संक्रमितको संख्या ५ लाख ५ हजार ६ सय ४३ पुगेको छ । यस्तै पछिल्लो २४ घण्टामा थप १ सय २९ जनाको मृत्यु भएपछि देशभर कोरोनाबाट मृत्यु हुनेको संख्या ६ हजार १ सय ५३ पुगेको छ । सोही समयमा ८ हजार ८ सय ४८ जना निको हुँदा संक्रमणमुक्त हुनेको संख्यामा पनि वृद्धि भएको छ । मन्त्रालयका अनुसार देशभर ३ लाख ८३ हजार ६ सय ४८ जना व्यक्ति कोरोना संक्रमणमुक्त भएका छन् । देशभर १ लाख १५ हजार ८ सय ६ जना सक्रिय संक्रमित रहँदा ८ सय ६६ जना क्वारेन्टिनमा छन् । सक्रिय संक्रमितमध्ये १ लाख ८ हजार १ सय ३ जना होम आइसोलेसन, ७ हजार ७ सय ३ जना संस्थागत आइसोलेसन, १ हजार ७ सय ३२ जना आईसीयू र ५ सय २३ जना भेन्टिलेटरमा छन् ।