मंगलबार ८२०३ संक्रमित थपिए, ६८९१ संक्रमणमुक्त

४ जेठ, काठमाडौं । नेपालमा मंगलबार ८ हजार २ सय ३ जना कोरोना संक्रमित थपिएका छन् ।
पछिल्लो २४ घण्टामा २० हजार ९ सय ७९ परीक्षण गर्दा ८ हजार २ सय ३ जनामा कोरोना पोजेटिभ देखिएको हो । स्वास्थ्य तथा जनसंख्या मन्त्रालयका अनुसार गत २४ घण्टामा २० हजार २ सय ८६ जनामा पिसिआर परीक्षण गर्दा ८ हजार १सय ३६ मा पोजेटिभ देखिएको र ६ सय ९३ जनाको एन्टिजेन परीक्षण गर्दा ६७ जनामा पोजेटिभ देखिएको थियो । पछिल्लो २४ घण्टामा १ सय ९६ जनाको कोरोना संक्रमणबाट मृत्यु भएको मन्त्रालयले जानकारी दिएको छ ।यो सँगै मृत्यु हुनेको संख्या ५ हजार ४ सय ११ पुगेको छ । पछिल्लो २४ घण्टामा ६ हजार ८ सय ९१ जना संक्रमणमुक्त भएका छन् । योसँगै अहिलेसम्म ३ लाख ५२ हजार ४ सय १४ कोरोनामुक्त भएका छन् ।