आइतबार ७३ सय ६८ संक्रमित थपिए, ६६ सय ४८ संक्रमण मुक्त

२ जेठ, काठमाडौं । नेपालमा पछिल्लो २४ घण्टामा थप ७ हजार ३ सय ६८ जनामा कोरोना भाइरसको संक्रमण पुष्टि भएको छ ।
पछिल्लो २४ घण्टामा देशभर गरिएको एन्टिजेन र पीसीआर परीक्षण गर्दा थप ७ हजार ३६८ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ । स्वास्थ्य मन्त्रालयका प्रवक्ता डा. जागेश्वर गौतमका अनुसार गत २४ घण्टामा देशभरका प्रयोगशालामा गरी १९ हजार ५ सय ३९ जनाको आरटी पीसीआर विधिबाट नमूना परीक्षण गरिएको थियो । पीसीआर विधिबाट गरिएको परीक्षणबाट ७ हजार ३१६ जनामा संक्रमण पुष्टि भएको हो । देशभर ३ सय ४४ जनाको गरिएको एन्टिजेन परीक्षणमा ५२ जनामा संक्रमण पुष्टि भएको हो । पछिल्लो २४ घण्टामा कोरोनाबाट १ सय ४५ जनाको मृत्यु पुष्टि भएको छ । त्यस्तै गत २४ घण्टामा ६ हजार ६४८ जना संक्रमणमुक्त भएका छन् ।