एमाले बागमती प्रदेशको मुख्य सचेतकमा निरौला मनोनित

२३ वैशाख, हेटौंडा । नेपाल कम्युनिष्ट पार्टी एमाले वागमती प्रदेशको मुख्य सचेतकमा दीपक निरौला मनोनीत भएका छन् ।
तत्कालीन मुख्य सचेतक केशव पाण्डे प्रदेशको आन्तरिक तथा कानून मन्त्री भएपछि रिक्त रहेको सो पदमा निरौलालाई मनोनीत गरिएको हो । दलका नेता एवम् वागमती प्रदेशका मुख्यमन्त्री डोरमणि पौडेलले दलको विधान २०७७ को दफा १३ बमोजिम मनोनयन गरेका हुन् । निरौलालाई गत वैशाख १७ गते मुख्य सचेतकमा नियुक्त गरी बिहिबार वागमती प्रदेशसभा सचिवाललाई जानकारी समेत गराइएको छ । निरौला काठमाडौं क्षेत्र नम्बर ५ अन्तर्गत निर्वाचित प्रदेशसभा सदस्य हुन् ।