२३ किलो गाँजासहित हेटौंडामा ३ जना पक्राउ

२ वैशाख, हेटौंडा । मकवानपुर प्रहरीले २३ किलो लागुऔषध गाँजा र अटोसहित ३ जना व्यक्तिलाई पक्राउ गरेको छ ।
पक्राउ पर्नेहरुमा अटोचालक हेटौंडा ११ बस्ने ४० वर्षीय चतुरमान मोक्तान, अटोमा सवार राक्सिराङ गाउँपालिका वडांं. १ बस्ने ४७ वर्षीय निर्मला तामाङ र सोही ठाउँ बस्ने अटोमा सवार ४७ वर्षीय मायाँ तामाङ रहेको छ । हेटौंडा ११ स्थित सडक खण्डमा ना १ ह ९०९९ नं. को अटोलाई चेकजाँच गर्दा अटोमा लुकाई छिपाई ल्याएको २ वटा पोकामा लागुऔषध गाँजा २३ किलो फेला परेको जिल्ला प्रहरी कार्यालय मकवानपुरका प्रवक्ता जयश्वर रिमालले जानकारी दिनुभयो । उनीहरुलाई लागुऔषध गाँजा र अटो सहित नियन्त्रणमा लिई आवश्यक अनुसन्धान र कारवाहीको प्रक्रिया भइरहेको मकवानपुर प्रहरीले जनाएको छ ।