लागुऔषधसहित हेटौंडा ९ का तामाङ पक्राउ

३१ चैत्र, हेटौंडा । मकवानपुर प्रहरीले लागऔषध सहित एकजना व्यक्तिलाई पक्राउ गरेको छ ।
पक्राउ पर्नेमा हेटौंडा उपमहानगरपालिका वडा नंं. ९ का २५ वर्षीय सोवित तामाङ रहेको छ । विशेष सुचनाको आधारमा सोमबार जिल्ला प्रहरी कार्यालय मकवानपुरबाट खटिएको प्रहरी टोलीले हेटौंडा ९ स्थित सडक खण्डमा शंकास्पद रुपमा हिडिंरहेको अवस्थामा चेकजाँच गर्दा तामाङलाई लागुऔषधसहित पक्राउ गरिएको जिल्ला प्रहरी कार्यालय मकवानपुरका प्रवक्ता जयश्वर रिमालले जानकारी दिनुभयो । उनको साथबाट लागुऔषध डाईजेपाम १६ एम्पुल, फेनार्गन १६ एम्पुल, नुर्फिन १६ एम्पुल बरामद गरेको प्रवक्ता रिमालले बताउनुभयो । जिल्ला अदालत मकवानपुरबाट लागुऔषध मुद्धामा म्याद अनुमति नलिई तामाङमाथि आवश्यक अनुसन्धानको प्रक्रिया भइरहेको प्रहरीले जनाएको छ ।