पछिल्लो २४ घण्टामा २ हजार ३ सय ६४ जना कोरोना संक्रमित थपिए

१३ कार्तिक, काठमाडौं । नेपालमा कोभिड–१९ (कोरोना भाइरस) का संक्रमितको संख्या एक लाख ६४ हजार सात सय १८ पुगेको छ ।
स्वास्थ्य तथा जनसङ्ख्या मन्त्रालयका अनुसार बुधबार दुई हजार तीन सय ६४ जनामा संक्रमण पुष्टि भएको हो । त्यस्तै गएको २४ घण्टामा तीन हजार ३८ जना निको भएर फर्किएसँगै डिस्चार्ज हुनेको संख्या एक लाख २४ हजार आठ सय ६२ पुगेको छ । अब नेपालमा ३८ हजार नौ सय ५२ जना सक्रिय संक्रमित आइसोलेशनमा रहेका छन् । यस्तै दुई हजार ६ सय ८९ जना क्वरेण्टीनमा रहेको मन्त्रालयले जनाएको छ । यस्तै गएको २४ घण्टामा १७ जनाको ज्यान गएसँगै कोरोना सङ्क्रमणबाट ज्यान गुमाउनेको संख्या नौ सय चार पुगेको मन्त्रालयका प्रवक्ता डाक्टर जागेश्वर गौतमले जानकारी दिनुभयो ।