पछिल्लो २४ घण्टामा ३६ सय ३७ कोरोना जना संक्रमित थपिए

६ कार्तिक, काठमाडौं । नेपालमा पछिल्लो २४ घण्टामा ३ हजार ६ सय ३७ जनामा कोभिड संक्रमण पुष्टि भएको स्वास्थ्य तथा जनसंख्या मन्त्रालयले बताएको छ ।
मन्त्रायलयले आयोजना गरेको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतम ले पछिल्लो २४ घण्टामा ३ हजार ६ सय ३७ जनामा संक्रमण पुष्टि भएको बताउनुभएको हो । यससँगै आज देशभर शक्रिय संक्रमितको संख्या ४४ हजार ८ सय ७७ पुगेको छ । यस्तै हालसम्मको कुल संक्रमितको संख्या १ लाख ४८ हजार ५ सय ९ पुगेको प्रवक्ता गौतमले बताउनुभयो । आज काठमाडौं उपत्यकामा १ हजार ५ सय ५२ कोभिड १९ संक्रमित थपिएका छन् । जसमध्ये काठमाडौंमा १ हजार २ सय ८३, भक्तपुरमा १ सय १२ जना र ललितपुरमा १ सय ५७ जना रहेका छन् । पछिल्लो २४ घण्टामा ३ हजार २ सय १५ जना संक्रमण मुक्त भएका छन् । यससँगै हालसम्म कोभिड १९ संक्रमण मुक्त हुनेहरुको संख्या १ लाख २ हजार ८ सय २० पुगेको छ ।