हेटौंडामा थप १४ जनामा कोरोना संक्रमण पुष्टि
संक्रमण पुष्टि हुनेहरुमा ७ जना महिला र ७ जना पुरुष
स्वर्णिम खबर२२ भाद्र २०७७, सोमबार १८:५२
२२ भदौ, हेटौंडा । हेटौंडामा सोमबार थप १४ जनामा कोरोना भाइरस संक्रमण पुष्टि भएको छ ।
हेटौंडा १० स्थित किटजन्य रोग तथा अनुसन्धान तालिम केन्द्र गरिएको परीक्षणमा विभिन्न वडामा गरी थप १४ जनामा कोरोना संक्रमण पुष्टि भएको स्वास्थ्य अधिकृत भोला प्रसाद चौलागाईले जानकारी दिनुभयो । संक्रमण पुष्टि हुनेहरुमा ७ जना महिला र ७ जना पुरुष रहेका उहाँले बताउनुभयो ।
