पृथ्वीनारायण शाहको फोटोमा माल्यार्पण

२७ पुस, हेटौँडा । हेटौंडा ४ हुप्रा चौरमा पृथ्वीनारायण शाहको जन्मजयन्तीको अवसरमा फोटोमा माल्यार्पण गरिएको छ ।
शनिबार राष्ट्रिय एकता दिवसको अवसरमा हेटौंडा –४ स्थित हुप्राचौरमा पृथ्वी नारायण शाहको ३०३ औं जन्मजयन्तीको अवसरमा पृथ्वीनारायण शाहको फोटोमा माल्यार्पण गरिएको हो । राप्रपा मकवानपुर तथा राष्ट्रिय युवा मोर्चा मकवानपुरको संयुक्त आयोजनामा भएको कार्यक्रममा राप्रपाका अगुवा नेता, कार्यकर्ता तथा सर्वसाधारणहरुले पृथ्वीनारायण शाहको फोटोमा माल्यार्पण गरि पुष्पगुच्छा समर्पण गरेका थिए ।
राप्रपा मकवानपुरका कार्यबाहक अध्यक्ष सागर थापाको सभाध्क्षतामा भएको कार्यक्रममा राप्रपाका केन्द्रिय सदस्य नवराज बिष्टको प्रमुख आतिथ्यता रहेको थियो । कार्यक्रममा राप्रपा केन्द्रीय सदस्य रामहरि न्योैपाने, रामवहादुर थोकर, राप्रपा वागमति प्रदेश सचिव गुन्जन वहादुर न्यौपाने, राप्रपा मकवानपुर क्षेत्र १ (ख) अध्यक्ष उमेश थापा लगाएतको उपस्थित रहेको थियो ।