नवनिर्वाचित कार्यसमितिलाई गैससको बधाई तथा शुभकामना

७ पुस, हेटौँडा । गैर सरकारी संस्था महासंघ नेपाल बागमती प्रदेश र जिल्ला शाखा मकवानपुर संयुक्त आयोजनामा बधाई तथा शुभकामना कार्यक्रम भएको छ ।
पत्रकार महासंघ बागमती प्रदेश, मकवानपुर शाखा र राष्ट्रिय अपांग महासंघ बागमती प्रदेशका नवनिर्वाचित कार्यसमितिलाई बधाई तथा शुभकामना दिइएको हो । कार्यक्रममा बोल्नुहुँदै पत्रकार महासंघ बागमती प्रदेश अध्यक्ष कृष्ण सारु मगर र जिल्ला अध्यक्ष बालकृष्ण अधिकारीले पत्रकार महासंघ गैसससंग सहकार्य गर्न तयार रहेको बताउनुभएको थियो ।

गैसस महासंघका केन्द्रीय सचिव बुद्धशरण लामाको प्रमुख आतिथ्यतामा भएको कार्यक्रममा अपांग महासंघ बागमती प्रदेश अध्यक्ष उपेन्द्र श्रेष्ठ, गैसस बागमती कार्यवाहक अध्यक्ष कमल कुमार बिश्वकर्मा लगायतकाले शुभकामना दिएका थिए । कुमारी वाइवाले संचालन गरेको कार्यक्रममा गैससका मकवानपुर अध्यक्ष रमिला सापकोटाले स्वागत गर्नुभएको थियो ।