पत्रकारको हक अधिकार स्थापित गर्न अहम् भूमिका निर्वाह गर्ने छुः नवनिर्वाचित अध्यक्ष अधिकारी

२९ मंसिर, हेटौँडा । नेपाल पत्रकार महासंघ मकवानपुरका नवनिर्वाचित जिल्ला कार्यसमितिलाई स्वागत सहित प्रमाणपत्र प्रदान गरिएको छ ।
शनिबार महासंघमा आयोजित एक औपचारिक कार्यक्रमको बीच प्रमाणपत्र प्रदान गरिएको हो । प्रदेश निर्वाचन संयोजक प्रताप विष्ट समेतको उपस्थितीमा निर्वाचन प्रमुख भानुभक्त आर्चायले नवनिर्वाचित जिल्ला कार्यसमितिका पदाधिकारी, सदस्यहरु, प्रदेश परिषद् सदस्य र केन्द्रीय परिषद् सदस्यहरुलाई निर्वाचित भएको प्रमाण पत्र प्रदान गर्नुभएको हो ।
कार्यक्रममा बोल्नुहुँदै महासंघका नवनिर्वाचित अध्यक्ष बालकृष्ण अधिकारीले सबैलाई समेट्दै पत्रकारको हक अधिकार स्थापित गर्न अहम् भूमिका निर्वाह गर्ने प्रतिबद्धता जनाउनुभयो । अध्यक्ष अधिकारीले महासंघमा परिस्थितिवस् देखिएका समस्याहरुलाई हल गर्दै जाने बताउनुभयो । सक्रिय रुपमा पत्रकारिता पेशामा रहेकाहरुलाई महासंघमा आबद्ध गर्न सक्दा महासंघको नै गरिमा उच्च हुने उहाँको भनाई छ ।

यसैबीच शनिबार नै महासंघका नवनिर्वाचित अध्यक्ष अधिकारीलाई निर्वतमान अध्यक्ष मणिराज गौतमले पदभार समेत ग्रहण गराउनुभयो ।