सुदुरपश्चिमको सुखद् सुरुआत, विराटनगरको दोश्रो हार

१८ मंसिर, काठमाडौँ । सुदूरपश्चिम रोयल्सले नेपाल प्रिमियर लिगमा सुखद सुरुआत गरेको छ ।
मंगलबार भएको पहिलो खेलमा विराटनगर किंग्सविरुद्ध ९० रनको फराकिलो जित निकाल्दै सुदुरपश्चिमले शानदार सुरुवात गरेको हो ।
सुदूरपश्चिमले दिएको १ सय ८३ रनको विशाल लक्ष्य पछ्याएको विराटनगर किंग्सले ९२ मात्रै बनायो । विराटनगरका बसिर अहमदले २४, निकोलस किर्टोनले १५ र क्रिस सोलेले १० रन बनाए । अरुले दोहोरो अंकमा रन जोड्न सकेनन् ।यो विराटनगरको लगातार दोस्रो हार हो । यसअघि जनकपुर बोल्टसँग ८ विकेटले पराजित भएको थियो ।
विराटनगरविरुद्ध फराकिलो जीत निकाल्ने क्रममा अविनाश बोहोरा र स्कटले तीन÷तीन विकेट लिए । ब्रान्डन, इशान पाण्डे र सैफ जैबले एक÷एक विकेट लिए ।
यसअघि टस हारेर ब्याटिङको निम्तो पाएको सुदूरपश्चिमले कप्तान दीपेन्द्र सिंह ऐरीको आक्रमक ब्याटिङमा १ सय ८२ रन बनाएको थियो । कप्तान ऐरीले २४ बलमा अविजित ५७ रन बनाए । उनले ३ चौका र ५ छक्का प्रहार गरे ।
विराटनगरका अनिल खरेलले तीन, क्रिस सोले, इस्मत अलाम र बसिर अहमेदले एक÷एक विकेट लिए ।