हेटौंडा १२ का नवनिर्वाचित वडा अध्यक्ष तिवारीद्वारा शपथग्रहण

१७ मंसिर, हेटौँडा । हेटौंडा १२ का नवनिर्वाचित वडा अध्यक्ष अर्जुन प्रसाद तिवारीले शपथग्रहण गर्नुभएको छ ।
सोमबार उपमहानगरपालिकामा आयोजित एक कार्यक्रमका बीच नगर प्रमुख मिनाकुमारी लामाले उहाँलाई शपथग्रहण गराउनुभएको हो । मंसिर १६ गते सम्पन्न उपनिर्वाचनमा नेपाली कांग्रेसको तर्फबाट उम्मेदवारी दिनुभएका तिवारी २ हजार ६३ मत प्राप्त गर्दै १२ नं. को वडा अध्यक्षमा निर्वाचित हुनुभएको हो ।
सपथग्रहण पछि अध्यक्ष तिवारीले वडाबासीको हितका लागि सदैव काम गर्ने प्रतिवद्धता व्यक्त गर्नुभयो । राजनीतिक पूर्वाग्रह राखेर काम गर्ने परिपाटीको अन्त्य गर्नुपर्नेमा उहाँले जोड दिनुभयो । १२ नं. वडामा विकासको मुहार फेर्ने गरी काम गर्ने समेत उहाँले प्रतिबद्धता व्यक्त गर्नुभयो ।
सपथग्रहण कार्यक्रममा जिल्ला समन्वय समिति मकवानपुरका प्रमुख ललितबहादुर घलान, प्रमुख निर्वाचन अधिकृत अवानी मैनाली भट्टराई, नगर उपप्रमुख राजेश बानियाँ, निर्वाचन अधिकृत हरि ढकाल लगायत वडा अध्यक्षहरुले बधाई तथा शुभकामना व्यक्त गर्नुभएको थियो ।