टि–१० क्रिकेट प्रतियोगिताको उपाधि पठान स्टाइकर्सले जित्यो

१५ मंसिर, हेटौँडा । नेपाल मुस्लिम इत्तेहाद सङ्गठन मकवानपुर जिल्ला कमिटीको आयोजना हेटौंडामा भएको टि–१० क्रिकेट प्रतियोगिताको उपाधि पठान स्टाइकर्सले जितेको छ ।
हेटौंडा ४ हुप्रामा शनिबार भएको फाइनल खेलमा चितवनको रत्ननगर क्रिकेट क्लबलाई ३ रनले पराजित गर्दै पठान स्टाइकर्सले उपाधि जितेको हो । ६० रनको लक्ष्य पाएको रत्ननगरले ५६ रन मात्र बनाउन सक्यो ।
यसअघि टस जितेर पहिले ब्याटिङ गरेको पठान स्टाइकर्सले ५९ रनको मध्यम स्कोर बनाएको थियो । उपाधिसंगै पठान स्टाइकर्सले नगद १ लाख र उपबिजेता बनेको रत्ननगर क्रिकेट क्लबले ५० हजार रुपैंया सहित शिल्ड, मेडल र प्रमाणपत्र प्राप्त गरेको छ । बिजेता र उपबिजेताहरुलाई समापन कार्यक्रमका प्रमुख अतिथि बागमती प्रदेशका प्रथम मुख्यमन्त्री डोरमणि पौडेलले पुरस्कार वितरण गर्नुभएको हो ।