टि–१० क्रिकेटः अन्तिम ४ मा पुग्ने टोलीको टुंगो लाग्यो

१४ मंसिर, हेटौँडा । हेटौंडामा जारी टि–१० क्रिकेट प्रतियोगितामा सेमिफाइनलमा पुग्ने टोलीहरुको टुंगो लागेको छ ।
हेटौंडा ४ हुप्रामा जारी प्रतियोगितामा शुक्रबार भएका खेलहरुमा आर.सी.सी क्लब, पठान स्ट्राइकर्स, नेपाल स्टार र टिभ एभरेष्ट बिजयी भएसंगै अन्तिम ४ मा पुग्ने टोलीको टुंगो लागेको हो ।
आर.सी.सी क्लबले मदिना क्लबलाई १० विकटले पराजित गर्दै सेमिफाइनलको यात्रा तय गरेको हो । ३५ रनको बिजयी लक्ष्य पाएको आर.सी.सी.ले ३ दशमलब ३ ओभरमा बिना विकेटको क्षतिमा भेटायो ।
यस्तै जि.एस.निकेतनलाई ३२ रनले हराउँदै पठान स्ट्राइकर्स सेमिफाइनलमा पुगेको छ । ८७ रनको चुनौती पछ्याएको जि.एस.ले ५५ रन मात्र बनाउन सक्यो ।
यसैगरी पठान ११ लाई ८ विकेटले हराउँदै नेपाल स्टार पनि अन्तिम ४ मा प्रवेश गरेको छ । ४४ रनको लक्ष्य नेपाल स्टारले २ विकेटको क्षतिमा भेटायो । यस्तै न्यु मर्निङ क्लबलाई १७ रनले हराउँदै टिम एभरेष्टले अन्तिम ४ मा स्थान सुरक्षित गरेको छ । टिम एभरेष्टले दिएको ७७ रनको लक्ष्य पछ्याएको मर्निङ क्लबले ५९ रन मात्र बनाउन सक्यो ।
प्रतियोगिताको सेमिफाइनल र फाइनल खेल शनिबार हुनेछ । नेपाल मुस्लिम इत्तेहाद सङ्गठन मकवानपुर जिल्ला कमिटीको आयोजनामा जारी प्रतियोगिताको विजेताले एक लाख नगद र उप विजेताले नगद ५० हजारसहित शिल्ड, पदक र प्रमाणपत्र प्राप्त गर्नेछन् ।