हेटौंडा १२ मा उम्मेवारको अन्तिम नामावाली सार्वजनिक, १२ जनाको उम्मेदवारी कायम

५ मंसिर, हेटौँडा । हेटौंडा उपमहानगरपालिका वडा नम्बर १२ मा मंसिर १६ गते हुन लागेको उपनिर्वाचनका लागि अन्तिम नामावली प्रकाशन भएको छ ।
मुख्य निर्वाचन अधिकृतको कार्यालयका अनुसार वडा अध्यक्ष पदका लागि १२ जनाको उम्मेदवारी कायम रहेको छ । रिक्त रहेको वडा अध्यक्ष पदका लागि ९ राजनीतिक दल र स्वतन्त्र ५ गरी १४ जनाको उम्मेदवारी परेकोमा २ जनाले फिर्ता लिएको मुख्य निर्वाचन अधिकृत अवानी मैनाली भट्टराईले जानकारी दिनुभयो ।
उहाँका अनुसार २ स्वतन्त्र उम्मेदवारी दिएका क्ुमार पोख्रेल र युनिश लामा स्याङ्तानले आफ्नो उम्मेदवारी फिर्ता लिएका छन् । उम्मेदवारलाई बुधबार नै निर्वाचन चिह्नसमेत प्रदान गरिएको छ ।