मंसिर ४ गते उपमहानगरपालिका स्तरीय हेटौंडा रन २०८१ हुने

३० कार्तिक, हेटौँडा । हेटौंडामा मंसिर ४ गते उपमहानगरपालिका स्तरीय हेटौंडा रन २०८१ हुने भएको छ ।
शुक्रबार पत्रकार सम्मेलन गर्दै उपमहानगरपालिकाको नगर खेलकुद विकास समितिले प्रतियोगिताको बारे जानकारी गराएको हो । प्रतियोगितामा नगर भित्रका १६ वर्ष पूरा भएका इच्छुकले सहभागिता जनाउन सक्नेछन् ।
कार्यक्रमलाई मंगलबार विहान ७ बजे हेटौंडाको बुद्धचोकमा उद्धाटन गरिने खेलकुद बिकास समितिका अध्यक्ष रबिद्र घिमिरेले बताउनुभयो । हेटौंडाको बुद्धचोक हुँदै भैरवरोड, लक्ष्मी आधारभूत विद्यालय स्कुल, सुर्यचोक, नवोदय स्कुल पार गर्दै, सत्यमचोक, थाहाचोक, सितलमहल चोक, ओमभवन हुँदै पुन बुद्धचोकमा आएर समापन हुने दौड ५ किलोमिटर दुरीको हुने अध्यक्ष घिमिरले जानकारी दिनुभयो ।
३ लाख रुपैँयाको लागतमा हुने प्रतियोगितामा प्रथम पुरस्कार २५ हजार, द्वितिय पुरस्कार १५ हजार, तृतीय पुरस्कार १० हजार, सान्त्वना पुरस्कार ५ हजार, पाचौँ पुरस्कार ३ हजार र प्रोत्साहन पुरस्कार स्वरुप २ जनालाई ४ हजार रुपैँया प्रदान गरिने बताइएको छ ।