नेपाल संवत नेपालीहरुको आफ्नै संवत होः प्रधानमन्त्री ओली

१७ कार्तिक, काठमाडौँ । प्रधानमन्त्री केपी शर्मा ओलीले नेपाल संवत नेपालीहरुको आफ्नै संवत भएको बताउनुभएको छ ।
शनिवार ११४५ औं नेपाल संवतको अवसरमा ललितपुरमा आयोजित कार्यक्रममा बोल्दै प्रधानमन्त्री ओलीले आफ्नो भूमिको, आफ्नो माटोको, आफ्नो जनताबाट, आफ्नै काम कारबाहीहरुबाट उब्जिएको संवत नेपाल संवत भएको बताउनुभयो । उहाँले उपत्यकाको नेवार सभ्यता र संस्कृति दुनियाँका लागि असाधारण र अनुपम रहेको उल्लेख गर्नुभयो । उहाँले नेपाली संस्कृति, परिकार, वाद्यवादनको कुरा गर्दा सबैभन्दा पहिला नेवारी संस्कृतिको उल्लेख हुने गरेको बताउनु भयो ।
प्रधानमन्त्री ओलीले नेपाल भाषालाई ऐच्छिक भाषामा राख्ने निर्णय मन्त्रीपरिषद्बाट गर्नेगरी छलफल अघि बढाउने बताउनु भयो । प्रधानमन्त्री ओलीले संस्कृति र सभ्यताको रक्षा गर्नुपर्ने बताउनु भयो ।