निबन्ध लेखन प्रतियोगितामा पालुङ बहुमुखी क्याम्पसकी स्मारिका ढकाल प्रथम

१ असोज, हेटौँडा । संविधान दिवसको अवसरमा सामाजिक विकास मन्त्रालयले मंगलबार आयोजना गरेको क्याम्पस स्तरीय निबन्ध लेखन प्रतियोगितामा पालुङ बहुमुखी क्याम्पसकी छात्रा स्मारिका ढकाल प्रथम हुनुभएको छ ।
क्याम्पस स्तरीय निबन्ध लेखन प्रतियोगितामा थाहा नगरपालिका स्थित पालुङ बहुमुखी क्याम्पस व्यवस्थापन संकाय प्रथम वर्षमा अध्ययनरत ढकाल प्रथम हुनुभएको हो ।
त्यस्तै, मकवानपुर बहुमुखी क्याम्पसमा मानविकी संकायमा अध्ययनरत जमुना थिङ दोस्रो र वंशगोपाल माध्यामिक विद्यालय हेटौंडा–६ चौघडाकी प्रकृती पौडेल तृतीय हुन सफल भएका छन् । वंशगोपालकै सन्तोष पुडासैनी सान्त्वना भए ।
संविधान कार्यान्वयनका नौ वर्ष उपलब्धि र चूनौती विषयमा शिक्षा विकास निर्देशनालय, हेटौंडा ८ को हलमा आयोजित निबन्ध लेखन प्रतियोगितामा ४ जनाले मात्रै सहभागीता जनाएको निर्देशनालयका सूचना अधिकारी घनश्याम खनालले जानकारी दिनुभयो । प्रतियोगितामा सहभागिताको लागि प्रदेश राजधानी रहेको मकवानपुर जिल्लाका सबै क्याम्पसलाई भदौ २४ गते नै आव्हान गरितापनि ३ वटा क्याम्पसका ४ जना विद्यार्थीले मात्रै सहभागिता जनाएको उहाँले बताउनुभयो ।
प्रतियोगितामा प्रथम, द्धितीय, तृतीय र सान्तवना हुने विद्यार्थीहरुलाई नगद पुरस्कार क्रमश दश हजार, आठ हजार, पाँच हजार र तीन हजारसहित प्रमाण पत्र संविधान दिवसका दिन हुने मूल समारोहमा प्रदान गरिने बताइएको छ ।