वडा स्तरीय टि–२० क्रिकेट प्रतियोगितामा सोमबार ३ खेल सम्पन्न

३१ भाद्र, हेटौँडा । हेटौंडा ८ मा जारी वडा स्तरीय टि–२० क्रिकेट प्रतियोगितामा सोमबार ३ वटा खेल सम्पन्न भएको छ ।
चन्द्रोदय माविको खेलमैदानमा सोमबार सम्पन्न खेलहरुमा हेटौंडा २, हेटौंडा ८ ए र हेटौंडा १६ बिजयी भएको छ । पहिलो खेलमा हेटौंडा ९ बि लाई हेटौंडा २ ले ५ विकेटले पराजित गरेको हो । उक्त खेलको म्यान अफ दि म्याच हेटौंडा २ का सुबोध कंसाकार घोषित भए ।
यसैगरी दोश्रो खेलमा हेटौंडा १८ लाइृ हेटौंडा ८ ए ले ४ विकेटले पराजित गरेको हो । ८२ रनको बिजयी लक्ष्य पछ्याएको हेटौंडा ८ ए ले १२ दशमलब ५ ओभरमा ६ विकेटको क्षतिमा लक्ष्य भेटाएको हो । उक्त खेलमा हेटौंडा ८ ए का सुरज भट्टराई म्यान अफ दि म्याच घोषित भए ।
यसैगरी दिनको अन्तिम खेलमा हेटौंडा १६ चार विकेटले बिजयी भएको हो । ९६ रनको बिजयी लक्ष्य पछ्याएको हेटौंडा १६ ले १७ दशमलब २ ओभरमा ६ विकेटको क्षतिमा लक्ष्य भेटाएको हो । उक्त खेलको म्यान अफ दि म्याच अनिश सापकोटा घोषित भए । असोज ५ गतेसम्म हुने प्रतियोगितामा प्रथम हुने टिमले नगद ५० हजार, द्वितिय हुने टिमले नगद २५ हजार प्राप्त गर्नेछ ।