नदी किनारमा थप २० मिटर छोड्नुपर्ने सर्वोच्चको फैसला कार्यान्वयन गर्न सकिँदैनः प्रधानमन्त्री ओली

२४ भाद्र, काठमाडौँ । प्रधानमन्त्री केपी शर्मा ओलीले काठमाडौं उपत्यकाका नदी किनारमा थप २० मिटर छोड्नुपर्ने सर्वोच्च अदालतको फैसलालाई कार्यान्वयन गर्न नसकिने बताउनुभएको छ ।
सोमवार उपत्यकाव्यापी सडक बिस्तार पीडित संघर्ष समिति तथा खोला मापदण्ड सरोकार समूहसँगको भेटका क्रममा प्रधानमन्त्री ओलीले सर्वोच्च अदालतको सो फैसलाबाट आफूलाई ठूलो देखाउन खोज्ने र जनताको वास्ता नगर्ने केही मानिसहरु मात्रै खुशी भएको बताउनु भयो । उहाँले सर्वोच्चको उक्त फैसलाले जनताको स्थायी बसोवास नै मासिने उल्लेख गर्नुभयो । फेरि नयाँ बिस्तार गर्दा २०÷२० मिटर छोड्दा चौथाई काठमाडौं सकिने उहाँको भनाई छ ।
प्रधानमन्त्री ओलीले सर्वोच्चको उक्त फैसला पर्याप्त अध्ययन बिना आएको जिकिर गर्नुभयो । सरकारले निर्णय उपयुक्त नभएको विचार गरी भ्याकेटमा जाने निर्णय लिएको पनि उहाँले बताउनु भयो । उहाँले भ्याकेटमा जाँदा सो निर्णयलाई बदर गरेर पहिलाकै मापदण्डलाई कायम राख्ने विश्वास व्यक्त गर्नुभयो ।
प्रधानमन्त्री ओलीले धार्मिक मूल्य मान्यता, आस्थाका धरोहरहरुको संरक्षण र संवद्र्धन गर्न जरुरी रहेको बताउनु भयो । सर्वोच्च अदालतको निर्णयले जनतामात्रै नभइ भगवान पनि पीडित हुने बताउनु भयो । उहाँले पशुपतिनाथ कहाँ लैजाने ? भन्दै प्रश्न गर्नुभयो । पशुपतिनाथ सार्ने हो भने गुह्वेश्वरी कहाँ लैजाने भन्दै प्रश्न गर्नुभयो । उहाँले अंग पतन
प्रधानमन्त्री ओलीले अस्तित्व मेटिने गरी सांस्कृतिक सम्पदाहरु सार्न नसकिने बताउनुभयो ।