तालिमका लागि जाँदै गरेको नेपाली सेनाको ट्रकमा आगलागी

२० भाद्र, हेटौँडा । तालिमका लागि जाँदै गरेको नेपाली सेनाको ट्रकमा आगलागी भएको छ ।
मकवानपुरमा रहेको ७ नम्बर बाहिनी चनवनबाट तालिमको लागि सिमभन्ज्याङ रिकि गर्न जाँदै गरेको बा १ ग ३४३६ नम्बरको ट्रकमा बिहिवार त्रिभुवन राजपथ दामन– शिखरकोट सडक खण्ड अन्तर्गत थाहा नगरपालिका वडा न ४ कुर्सीको मोडमा आगलागी भएको हो। ट्रकको सापट भाच्चिएपछी ट्रकलाई साइड लगाउने क्रममा अचानक आगो लागेको बताइएको छ । उक्त ट्रकमा १८ जना रहेका थिए ।
मानवीय क्षती भने नभएको ईलाका प्रहरी कार्यालय पालुङले जनाएको छ। थाहा नगरपालिकाको दमकलले आगो निभाएको थियो । सापट भाच्चिएर डिजल ट्याङ्कीमा लागेर डिजल चुहिएपछि आगोलागी भएको अनुमान गरिएको छ ।