३२ वटा लायन्स क्लव र लियो क्लबको पद हस्तान्तरण हुने एउटै मञ्चमा हुने

१४ भाद्र, हेटौँडा । मकवानपुरका लायन्स र लियो क्लबहरुको पदस्थापना कार्यक्रम एउटै समारोहमा हुने भएको छ ।
शनिबार बागमती प्रदेशका प्रदेश प्रमुख दिपक प्रसाद देवकोटाको प्रमुख आतिथ्यतामा वर्ष २०२४÷२५ का लागि लायन्स क्लव अफ इन्टरनेशनल डिष्ट्रिक ३२५ मा रहेका ३२ वटा लायन्स क्लव र लियो क्लबको पद हस्तान्तरण एउटै मञ्चमा हुने भएको हो ।
शुक्रबार पत्रकार सम्मेलनको आयोजना गर्दै वर्ष २०२४÷२५ का लागि निर्वाचित अध्यक्षहरुको संयुक्त पदस्थापनका बारेमा जानकारी गराइएको थिया । विगतका वर्षहरुमा पनि मकवानपुरमा संयुक्त रुपमा पदस्थापन हुने गरेको छ ।
सामाजिक क्षेत्रमा क्रियाशिल लायन्स क्लबले वर्ष २०२३÷२४ मा दिव्य ज्योति आधारभूत विद्यालयका लागि ३७ लाखको प्रोजेक्टका साथै हेटौंडा आँखा अस्पतालमा १ लाख डलर बराबरको भान्सा घर निर्माणको योजना बनाएको छ ।
कार्यक्रममा पदस्थापन समारोहका सहसंयोजक विजय कार्की, डिष्ट्रिक गर्भनर टासी डोल्मा तुम्बाहाम्फे, एसिया २ का एरिया चिफ लायन किसन घिसिङ लगायतकोे उपस्थिती थियो ।