पाकिस्तानमा भएको विस्फोटमा २ जनाको मृत्यु, १० जना घाइते

९ भाद्र, एजेन्सी । पाकिस्तानको दक्षिणपश्चिम बलुचिस्तान प्रान्तमा शनिवार भएको विस्फोटमा दुई जनाको मृत्यु हुनुका साथै प्रहरीसहित १० जना घाइते भएका प्रहरी स्रोतले जानकारी दिएको छ ।
यो घटना स्थानीय समयअनुसार बिहान ११ बजे प्रान्तको पिसिन जिल्लामा भएको थियो । जहाँ अज्ञात आतङ्ककारीहरूले मोटरसाइकलमा राखिएको विस्फोटक पदार्थलाई विस्फोट गराएको थियो ।
घाइतेहरूलाई नजिकैको अस्पतालमा लगिएको थियो जहाँ तीन जनाको अवस्था गम्भीर छ । अहिलेसम्म कुनैपनि समूहले आक्रमणको जिम्मेवारी लिएको छैन । अनुसन्धानका लागि क्षेत्रलाई घेराबन्दी गरिएको छ ।