श्रम, रोजगार तथा यातायात मन्त्री लम्सालको १४ महिनाको उपलब्धि सार्वजनिक

६ श्रावण, हेटौँडा । बागमती प्रदेशका श्रम रोजगार तथा यातायात मन्त्री लक्ष्मण लम्सालले १४ महिनाको उपलब्धि सार्वजनिक गर्नुभएको छ ।
आइतबार पत्रकार सम्मेलनको आयोजना गर्दै आफ्नो कार्यकालमा श्रम रोजगार तथा यातायात क्षेत्रमा सम्पादन भएका प्रमुख कार्य र चालू आर्थिक वर्षका लागि बजेट मार्फत् सम्बोधन गरिएका कार्यक्रमको बारेमा जानकारी गराउनुभएको हो । मन्त्रालय सम्हालेको मिति २०८० जेठ ७ गतेदेखि २०८१ साउन ६ सम्मको अवधिमा सम्पन्न कार्यलाई विवरणमा समेटिएको छ । प्रदेश सरकारको कार्य क्षेत्र भित्र पर्ने यातायात व्यवस्थापन सम्बन्धी संवैधानिक अधिकारलाई हरुतक्षप गर्नै संघीय सरकराले निर्माण गरेको सहरी क्षेत्र सार्वजनिक यातायात व्यवस्थापन प्राधिकरण ऐन २०७९ खारेजी माग गर्दै कानूनी उपचार प्रक्रिया अगाडी बडाउनुलाई प्रमुख उपलब्धिमा समेटिएको छ । उक्त ऐन विरुद्ध दायर मुद्धा स्संवैधानि ईजलास र सर्वोच्च अदालतमा विचाराधिन रहेको छ ।
यातायात क्षेत्रलाई स्वचालित प्रविधिमा आधारित बनाउन निजि सवारी साधनको कर भुक्तानी र बिलबुक नवीकरण र सार्वननिक यातायातको पटके इजाजत अनलाइन पद्धतिबाट सुरु गरिएको मन्त्री लम्सालले बताउनुभयो । यस अवधिमा मन्त्रालयले काभ्रेपलाञ्चोक जिल्लामा यातायात व्यवस्था कार्यालय स्थापना गरी सेवा प्रारम्भ गरिएको छ । काठमाडौंको गुर्जुधारामा यातायात व्यवस्था कार्यालय भवन निर्माण प्रक्रिया अगाडी बढाइएको मन्त्री लम्सालले जानकारी दिनुभयो । प्रदेश सरकारले सवारी चालक अनुमतिपत्रकाृ लागि स्वास्थ्य परीक्षण शुल्कमा एकरुपता कायम गर्न शुल्क निर्धारण गरि कार्यान्वयन गर्ने सुनिश्चितता गरेको छ । छिटो सहज र प्रभावकारी सेवा प्रवाहका लागि मन्त्रालयले प्रिन्टिङ मेसिन र स्मार्टकार्ड खरीद प्रक्रिया अगाडी बढाएको उहाँले बताउनुभयो ।
मन्त्रालय अन्तर्गतका कार्यालयमा रेहका सवारी अभिलेखलाई डिजिटिलाइजेशन गर्ने तयारी भइरहेको समेत उहाँले जानकारी दिनुभयो । मन्त्री लम्सालले चालू आर्थिक वर्षबाट सार्वजनिक सवारीमा क्यास लेस प्रणाली लागू गर्नका लागि बजेट सुनिश्चितता भएको उल्लेख गर्नुभयो ।