सधैं अन योजनाबाट ग्राहकले धेरै भन्दा धेरै फाइदा उठाउन् भन्ने हाम्रो चाहना होः विनम श्रेष्ठ

पछिल्लो समय एनसेलले आफ्ना ग्राहकहरुका लागि मोबाइल इन्टरनेट अझ सस्तो बनाएर सधैं अन योजना संचालन गरिरेहको छ । डाटा, भ्वाइस, एसएमएस सहित सामाजिक संजाल चलाउनको प्याक अनुसारको लागि निःशुल्क डाटा पनि पाइने यो योजनाको विशेषता रहेको कम्पनीले जनाएको छ । यसमा अर्को मुख्य विशेषता भनेको अब प्याक सकिएपछि पहिला जस्तो ब्यालेन्सबाट इन्टरनेटको पैसा काटिने डर हुन्न । यसैको सन्दर्भमा स्वर्णिम खबर डटकमले एनसेलका बागमती प्रदेशको प्रादेशिक व्यापार प्रबन्धक विनम श्रेष्ठसँग गरेको कुराकानीको अंश ।

यहाँलाई स्वर्णिम खबर डटकममा स्वागत छ ।
धन्यवाद ।

वास्तवमा एनसेलले ल्याएको यो सधैं अन भनेको चाँही के हो?
हाम्रा ग्राहकहरुले डाटा सधैं अन राखुन् र डाटा सेवाबाट धेरै भन्दा धेरै फाइदा उठाउन् भन्ने हाम्रो चाहना हो । सामान्यतया हामीलाई डाटा अन राख्दा प्याक सकिएपछि डाटा नचलाए पनि मोबाइलको ब्यालेन्स कटिन्छ भन्ने ग्राहकको गुनासो आउँथ्यो । त्यो समस्या समाधान गर्न हामीले सधैं अन भन्ने यो प्याकेज लिएर आएका हौँ । जहाँ डाटाको प्याक सकियो भने ग्राहकको मेन ब्यालेन्सबाट पैसा कट्दैन । आजकालको जमानामा ग्राहकहरुलाई डाटा सेवा नभई हुन्न त्यसैले उनीहरुलाई सस्तो शुल्कमा इन्टरनेटमा सधैं अनलाइन राख्ने उदेश्य सहित यो सधैं अन योजना ल्याईएको हो । एउटै प्याकमा डाटा, भ्वाइस, एसएमएस र अझै निःशुल्क सोसल मिडिया चलाउनका लागि छुट्टै डाटा पाइने भएकोले यो ग्राहकको लागि धेरै उपयोगी छ ।

सधैं अनको विशेषता के हो अथवा ग्राहकले सधैं अनको प्याकेज किन लिने?
सधैं अनको मुख्य प्राथमिकता नै ग्राहक हो । यसले पुरै पैसा असुल सेवा दिन्छ । हामीले ग्राहकलाई सधैं प्राथमिकता दिने भएको हुँदा ग्राहकको आवश्यकता के हो त ? मान्छे घरबाट बाहिर निस्कदा खेरी मोबाइलमा चार्ज नगरी घरबाट बाहिर निस्किदैन तर डाटा भने अफ गर्छौँ । चाहियो भने मात्र डाटा अन नत्र अफ रहन्छ । यस्तो किन हुन्छ त भनेर हेर्यौं र हाम्रो अध्ययन अनुसार अब डाटा अन अफ गरि राख्न नपरोस् र ग्राहकहरुको डाटा सधैं अन होस् भनेर अन अफ गर्ने बानीलाई निरुत्साहित गर्नको लागि सधैं अन ल्याएका हौँ । यसमा ७ दिने र २८ दिने गरि तीन प्रकारका प्याकहरु ग्राहकहरुले लिन सक्छन् । आफ्नो बजेट र सेवाको आवश्यकता अनुसार *१२३# डायल गरेर प्याक लिन सक्छन् ।

 

एनसेलको मुख्य प्रतिस्पर्धी नेपाल टेलिकम हो । दुवैबीच स्वस्थ प्रतिस्पर्धा हुँदा ग्राहकले पाउने सेवासुविधामा कस्तो प्रभाव पर्छ?
प्रतिस्पर्धाले ग्राहकहरुलाई फाइदा हुन्छ । जति बजारमा स्वस्थ प्रतिस्पर्धा हुन्छ त्यति नै नयाँ–नयाँ प्याकेजहरु ग्राहकका लागि आउँछन् । यसको प्रत्यक्ष फाइदा ग्राहकलाई नै हुन्छ । १० वर्षअघि जति पैसामा इन्टरनेट चलाउन पाइन्थ्यो त्यो भन्दा धेरै धेरै कम शुल्कमा अहिले इन्टरनेट चलाउन पाइन्छ । अझै ७ वर्ष अगाडि फोरजी प्रविधि आइपछि त झनै मोबाइल इन्टरनेटको शुल्क धेरै घटेको छ । हामीले प्रतिस्पर्धीबाट राम्रो गरेर ग्राहकलाई धेरै सेवा सुविधा दिँदा ग्राहकलाई नै फाइदा हुँदै आएको छ र यो सधैं अनले पनि फाइदा नै दिदै आएको छ । यसको अर्को विशेषता भनेको प्याकमा बचेको सेवाहरु खेर जाँदैन, भ्यालिडिटीभित्रै अर्को पटक प्याक खरिद गर्दा थपिएर आउँछ । जस्तै मेरो प्याकमा १ जीबी डेटा र २५ मिनेट टक टाइम प्रयोग गर्न बाँकी थियो भने त्यो नयाँ किनेको प्याकमा थपिन्छ ।

बागमती प्रदेशमा एनसेलको सेवा प्रवाह कस्तो छ?
बागमती प्रदेश हाम्रो प्रमुख बजार हो । यहाँ हाम्रो कुल ग्राहक संख्याको २४ प्रतिशत ग्राहक र कुल नेटवर्कको झण्डै २८ प्रतिशत साईटहरु छन् । धेरै डाटा चलाउने ग्राहकहरु पनि यही छन् । त्यसैगरी ग्राहकलाई गुणस्तरीय सेवा दिन ६० प्रतिशत भन्दा बढि साईटहरु फाइबरमार्फत जोडिएका छन् र यहाँ हाम्रा ११ वटा एनसेल सेन्टरहरु रहेका छन् । हामीले डिजिटल माध्यममा एनसेल पसल एपबाट पनि सेवा दिन्छौं । त्यसबाट हामीसँग बागमतिमा प्रत्येक दिन औसतमा ६ हजार ५ सय ग्राहकले प्रत्यक्ष अन्तरक्रिया गर्नुहुन्छ । हामीसँग १५ हजार भन्दा बढी खुद्रा विक्रेताहरु आवद्ध हुनुहुन्छ । जसले एनसेलको डिजिटल माध्यमबाट ग्राहकलाई नयाँ सिमकार्ड प्रदान, ब्यालेन्स ट्रान्सफर, डाटा प्याक खरिद लगायतका सेवा दिने गर्दछ ।

अन्तिममा, ग्रामीण क्षेत्रमा पनि एनसेलको सेवालाई प्रभावकारी बनाउन तपाईंहरुको योजना के छ?
हामी देशैभरका ९० प्रतिशत भन्दा बढि जनसंख्यामाझ आफ्नो फोरजी सेवाका साथ उपस्थित छौं । हाम्रा खुद्रा विक्रेताहरु ग्रामीण क्षेत्रमा त्यहाँका स्थानीयहरुसँग प्रत्यक्ष रुपमा अन्तरक्रिया गर्नुहुन्छ । बागमती प्रदेशको ग्रामीण क्षेत्रमा मात्र हाम्रो ४५–५० जना बजार प्रतिनिधिहरु हुनुहुन्छ । उहाँहरुले विक्रेताहरुसँग सधैं अनलगायतका विषयमा बिफ्रिङ गर्नुहुन्छ । यसले गर्दा ग्राहकलाई प्रभावकारी सेवा लिन मद्दत पुग्दछ । हामीले हाम्रो प्रोडक्टको बारेमा सही जानकारी दिन देशै भर विभिन्न माध्यमहरुबाट विज्ञापन पनि गर्छौ जसले ग्राहकहरुलाई सेवा, सुविधाहरुको बारेमा जान्न सजिलो हुन्छ ।