हातेमालो सहकारीले १८ औँ स्थापना दिवस विविध कार्यक्रम गरी मनाउने

८ जेठ, हेटौँडा । हेटौँडा २ स्थित हातेमालो बचत तथा ऋण सहकारी संस्थाले आफ्नो १८ औँ स्थापना दिवसको अवसरमा विविध कार्यक्रम गर्दै मनाउने भएको छ ।
मंगलबार एक कार्यक्रमकाबीच संस्थाले गर्ने कार्यक्रमहरु सार्वजनिक गर्दै पाँच दिने सेल्फ मेकअप तालिमको समेत समापन गरेको छ । संस्थाका अध्यक्ष हरिप्रसाद पौडेलको सभाध्यक्षता एवम् प्रदेश सहकारी विकास वोर्डका कार्यकारी उपाध्यक्ष नारायणप्रसाद देवकोटाको प्रमुख आतिथ्यतामा कार्यक्रम भएको हो । कार्यक्रममा जेठ २ गते देखी सञ्चालित सेल्फ मेकअप तालिममा सहभागिहरुलाई प्रमाण पत्र प्रदान गरिएको थियो । यमकुमारी श्रेष्ठले प्रशिक्षण दिनुभएको भएको तालिममा ३४ जनाको सहभागिता रहेको सहकारीले जनाएको छ ।
कार्यक्रममा हेटौंडा २ का वडाध्यक्ष विष्णुगोपाल महर्जन, हेटौंडा उपमहानगरपालिकाका सहकारी शाखा प्रमुख हिमप्रसाद पौडेल, नेफ्स्कुन फिल्ड कार्यालय मकवानपुरका प्रमुख विदुर खड्का, संस्थाका कानुनी सल्लाहकार अरुण खतिवडा, लेखा समिति संयोजक नारायणप्रसाद रेग्मी, प्रशिक्षक यमकुमारी श्रेष्ठलगायतको आतिथ्यता रहेको थियो । कार्यक्रममा संस्थाकी व्यवस्थापक रमलाकुमारी सापकोटाले संस्थागत आर्थिक वित्तीय विवरण प्रस्तुत गर्नुभएको थियो । ६ करोड ३६ हजार १३ हजार ३ सय शेयरपुँजी रहेको सहकारीमा दुई हजार ७२२ जना सदस्य आवद्ध रहेका छन् ।