चौघडामा ब्याडमिन्टन कभर्डहलको मंगलबार शिलान्यास

२० चैत्र, हेटौँडा । हेटौंडा ६ चौघडामा ब्याडमिन्टन कभर्डहलको मंगलबार शिलान्यास गरिएको छ ।
हेटौंडा उपमहानगरपालिकाका उपमेयर राजेश बानिंयाले मंगलबार एक औपचारिक कार्यक्रमको बीच कभर्डहलको शिलान्यास गर्नुभएको हो । ८० लाखको लागत अनुमान गरिएको कभर्डहल निर्माणको लागि पहिलो चरणमा उपमहानगरले उपलब्ध गराएको १५ लाखबाट निर्माण कार्य सुरु गरिएको ब्याडमिन्टन कभर्डहल निर्माण उपभोक्ता समितिका अध्यक्ष श्रीराम पुडासैनीले बताउनुभयो । त्यस्तै कार्यक्रममा उपमेयर बानिंयाले कभर्डहल निर्माणको लागि उपमहानगरले थप सहयोग गर्ने प्रतिबद्धता समेत व्यक्त गर्नुभयो । स्वथ्य जीवन नै धन रहेको वताउदै उपमेयर वानियाले हरेक मानिसका लागि खेल आवश्यक रहेको बताउनुभयो ।
कार्यक्रमममा ६ नं. वडा अध्यक्ष विष्णु दाहाल, पूर्व वडा अध्यक्ष अर्जुन प्रसाद चौलगाई, नवजीवन क्लबका अध्यक्ष राजकुमार बास्तोला, वंशगोपाल उच्च माविका प्रध्यानाध्यापक रमेश प्रसाद लामिछाने, वंशगोपाल विद्यालय व्यवस्थापन समितिका निवर्तमान अध्यक्ष श्यामप्रसाद श्रेष्ठ लगायतको उपस्थिति रहेको थियो ।