युवा संघ र प्रेस चौतारी मकवानपुरबीच मैत्रीपूर्ण फुटबल

७ फागुन, हेटौंडा । नेकपा एमालेको भातृ संगठन राष्ट्रिय युवा संघ नेपाल र प्रेस चौतारी नेपाल मकवानपुरबीच मैत्रीपूर्ण फुटबल भएको छ ।
हेटौंडा–५ क्याम्पाडाँडामा रहेको खेल मैदानमा भएको मैत्रीपूर्ण फुटबल प्रतियोगितामा युवा संघले ६–० गोल अन्तरले बिजयी भएको हो । आगामी फागुन ११ गतेदेखि १९ गतेसम्म काठमाडौंमा हुने केपी ओली कप फुटबल प्रतियोगीताको प्रचारका लागि मैत्रीपुर्ण सेभेन ए साईड फुटबल आयोजना गरिएको राष्ट्रिय युवा संघ नेपाल मकवानपुरका संयोजक राजेश नगरकोटीले बताउनुभयो । प्रतियोगिताको बागमती प्रदेशका पूर्व मुख्यमन्त्री डोरमणि पौडेलले उद्घाटन् गर्नुभयो । कार्यक्रममा नेकपा एमाले मकवानपुरका अध्यक्ष तथा बागमती प्रदेश सांसद एकालाल श्रेष्ठ लगायतका नेताहरुको आतिथ्यता रहेको थियो ।