संयुक्त मुक्तक वाचन तथा आजिवन सदस्यहरुलाई सम्मान

२८ पुस, हेटौँडा । मुक्तक मञ्च मकवानपुरले संयुक्त मुक्तक वाचन तथा आजिवन सदस्यहरुलाई सम्मान कार्यक्रम गरेको छ ।
शनिबार साहित्य संगम र सिस्नुपानी नेपालको संयुक्त भवनमा आयोजित कार्यक्रममा नियमित मुक्तक वाचनका आजिवन सदस्यलाई सम्मान समेत गरिएको छ । मञ्चको नियमित मुक्तक वाचन श्रृखला अन्तर्गत मुक्तककारद्वय किसन पौडेल र दीपक गौतमले मुक्तक वाचन गनुृभएको थियो । १२औँ शृङ्खलामा उहाँहरूले १२÷१२ वटा मुक्तकहरू वाचन गर्नु भएको मुक्तक मञ्च मकवानपुरका अध्यक्ष डिबी वर्तौलाले जानकारी दिनुभयो ।कार्यक्रमा संस्थाका २२ जना आजिनव सदस्यलाई सम्मानपत्रद्धारा सम्मान समेत गरिएको थियो । साहित्यकार देवी नेपालको प्रमुख आतिथ्यतामा भएको कार्यक्रममा मुक्तककार हरिकृष्ण काफ्लेको विशिष्ट आतिथ्यता रहेको थियो । मुक्तक मञ्च मकवानपुरका अध्यक्ष बर्तौलाको सभाध्यक्षतामा भएको कार्यक्रममा साहित्यकारहरु तुलसी घिमिरे, विश्वनाथ सञ्जेल, सुवास खनाल, रमेशमोहन अधिकारी, जर्नादन खनाल, भावना सापकोटा लगायतको आतिथ्यता थियो ।