आँचलको मासिक भेटघाट शनिबार सम्पन्न

२१ पुस, हेटौँडा । आँचल साहित्य कला पुञ्ज मकवानपुरको मासिक भेटघाट शनिबार हेटौंडामा सम्पन्न भएको छ ।
सस्थाकी अध्यक्ष भावना सापकोटाको अध्यक्षता तथा साहित्यकार पूर्णकला घिमीरेको प्रमुख आतिथ्यतामा भएको कार्यक्रममा गजलकार तथा मुक्तककार मिथिला अधिकारीले करिब आधा दर्जन रचना वाचन गर्नुका साथै उहाका रचनामाथि टिप्पणी गरिएको थियो । कार्यक्रममा मकवानपुरका एकदर्जन भन्दा बढी साहित्य सर्जकहरूले आफ्ना रचना बाचन गरेका थिए । कार्यक्रममा साहित्य संगम मकवानपुरका अध्यक्ष डि.बि बर्तौला, नेपाली लेखक संघका अध्यक्ष छबि अनित्य लगायतको उपस्थिती थियो ।