यू–१४ सेभेन ए साइड नकआउट फुटबल प्रतियोगिता सुुरु

८ पुस, हेटौँडा । हेटोंडा उपमहानगरपालिका वडा नम्बर ७ कार्यालयको आयोजनामा टोल बाल समूह स्तरीय अण्डर–१४ सेभेन ए साइड नकआउट फुटबल प्रतियोगिता शनिबारबाट सुुरु भएको छ ।
नवज्योति खेल मैदानमा शनिबार भएका ४ वटा खेलबाट नागस्वती बाल समूह, इच्छा आदर्श बाल समूह ‘ए’, स्मृति बाल समूह तथा न्युरेनी चिसापानी बाल समूह बिजयी भएका छन् । पहिलो खेलमा नागस्वती बाल समूहले हरियाली बाल समूहलाइ २ गोलले पराजित गरेको थियो भने दोस्र्रो खेलमा इच्छा आदर्श बाल समूहले किरणचोक बाल समूहलाई १ गोल अन्तरले पराजित गरेको थियो । तेस्रो खेलमा इच्छा आदर्श बि स्मृति बाल समूहका बिबेश लामाको ह्याट्रिक गोलले पराजित भएको छ । चौथो खेलमा न्युरेनी चिसापानी बाल समुहले नागडाँडा बालसमूह बिरुद्ध १ गोल गर्दै जित हासिल गरेको हो । प्रत्येक खेलबाट म्यान अफ द म्याच भएका खेलाडीहरुलाई ५ सय रुपैयाँ नगदसहित पुरस्कृत गरिएको छ ।
वडा बाल समूह सञ्जाल नागस्वतीको सहकार्य तथा नागडाँडा युवा क्लबको व्यवस्थापनमा भएको प्रतियोगितामा वडाभित्रका १० वटा बालसमूहहरुको सहभागिता रहेको छ । बालबालिकाको खेल बिकास तथा प्रतिस्पर्धामा निखार ल्याउन यस्ता १४ बर्षमुनीका बालकहरुको फुटबल आयोजना गरिएको आयोजकको भनाइ छ । प्रतियोगितामा प्रथम हुने टिमले र द्धितिय हुने टिमले क्रमशः १० हजार र ५ हजार नगदसहित प्रमाणपत्र र ट्रफी प्राप्त गर्ने छन् ।